Panaghoy 2:9-11

Magandang Balita Biblia

⁹ Gumuho na rin ang mga pintuang-bayan, bali ang mga panara nito, pati na rin ang mga tarangkahan.
    Nangalat sa mga bansa ang kanyang hari at mga pinuno; wala nang kautusang umiiral,
    at wala na ring pangitain mula kay Yahweh ang kanyang mga propeta.

¹⁰ Tahimik na nakalugmok sa lupa
    ang pinuno ng Jerusalem;
    naglagay sila ng abo sa ulo at nakasuot ng damit-panluksa.
    Ang mga dalaga sa Jerusalem ay nakaluhod, ang mukha'y halos sayad sa lupa.

¹¹ Namumugto ang mga mata ko sa kaiiyak. Bagbag na bagbag ang aking kalooban.
    Matindi ang pagdadalamhati ko dahil sa kapahamakang sinapit ng aking bayan;
    nakahandusay sa mga lansangan ang mga bata at ang mga sanggol.